Atyraý oblysynda eki kólik soqtyǵysyp, 7 adam aýrýhanaǵa tústi
ATYRAÝ. QazAqparat – Atyraý oblysynda eki kólik soqtyǵysyp, 7 adam aýrýhanaǵa tústi, dep habarlaıdy QazAqparat.
Jol-kólik apaty 16 naýryzda saǵat 08:30 shamasynda «Atyraý-Inder» baǵytyndaǵy tas joldyń boıynda bolǵan.
«Joldyń qarsy baǵytyna shyqqan «Toyota Camry» avtokóligi «Skoda» qyzmettik kóligimen soqtyǵysqan. Jol-kólik oqıǵasynyń saldarynan 7 adam ár túrli dene jaraqatymen aýrýhanaǵa jetkizildi. «Toyota Camry» kóligindegi jolaýshylardy shyǵarý úshin oblystyq tótenshe jaǵdaılar jáne polıtsııa departamentteriniń qyzmetkerleri jumyldyryldy», -dep habarlady oblystyq polıtsııa departamentiniń baspasóz qyzmeti.
Qazir jol-kólik oqıǵasyna baılanysty tergeý bastaldy.
Eske sala ketelik, buǵan deıin Atyraý oblysynda mereke kúnderi 64 jol-kólik oqıǵasy tirkelip, 5 adam jaraqat alǵanyn jazǵan edik.
