Atyraý oblysynda eki kólik soqtyǵysyp, 5 adam mert boldy
Jol-kólik apaty búgin, 14 qańtar kúni saǵat 11:30 shamasynda bolǵan.
«Jylyoı aýdanynyń ortalyǵy – Qulsary qalasynan Mańǵystaý oblysyndaǵy Beıneý
aýdanyna qatynaıtyn tas joldyń 15 shaqyrymynda eki kólik soqtyǵysty. Onyń biri – Armenııa Respýblıkasynda tirkelgen «Honda Odessey», al, ekinshisi – Reseı Federatsııasynda tirkeýde turǵan «VAZ – 2115» avtokóligi. Jol-kólik oqıǵasynyń saldarynan «VAZ – 2115» avtokóliginiń 1996 jylǵy júrgizýshisi men 3 jolaýshysy oqıǵa ornynda mert boldy. Al, ekinshi kóliktiń júrgizýshisi men jolaýshysy Jylyoı aýdanynyń ortalyq aýrýhanasyna jetkizildi. Jol apatynan jaraqat alǵan jolaýshy aýrýhanada kóz jumdy», -dep habarlady oblystyq polıtsııa departamentiniń baspasóz qyzmeti.
Qazir atalǵan jol-kólik oqıǵasyna qatysty tergeý amaldary bastaldy.
Eske sala ketelik, buǵan deıin Atyraý oblysynda esirtki jarnamalaǵan 17 saıt
buǵattalǵany habarlanǵan bolatyn .
