Atyraý oblysynda eki kólik soqtyǵysyp, 11 adam aýrýhanaǵa jetkizildi
ATYRAÝ. QazAqparat – Atyraý oblysynda eki kólik soqtyǵysyp zardap shekken 11 adam aýrýhanaǵa jetkizildi, dep habarlaıdy QazAqparat.
Oblystyq tótenshe jaǵdaılar departamenti baspasóz qyzmetiniń málimetinshe, jol-kólik apaty Maqat aýdanynda bolǵan.
«Bul týraly habar 18 jeltoqsan saǵat 18:30 shamasynda tústi. Maqat aýdanynda «Dossor-Qulsary» tasjolynyń boıynda Dossor kentinen 18 shaqyrym qashyqta eki avtokólik soqtyǵysqan. Jol-kólik apatynyń saldarynan avtokóliktiń bireýi tútindegen. Trassadaǵy medıtsınalyq qutqarý beketiniń qyzmetkerleri oqıǵa ornyna jedel jetip, apatqa ushyraǵan kólikter janbaǵanyn anyqtady. Zardap shekken 11 adam Dossor kentindegi aýrýhanaǵa jetkizildi» -dep málim etti departamenttiń baspasóz qyzmetinen.
Oqıǵa ornynda zardap shekkenderdi qutqarýǵa trassadaǵy medıtsınalyq qutqarý beketi men «Semser órt sóndirýshi» mekemesinen 6 qyzmetker men 2 tehnıka jumyldyrryldy.
Eske sala ketelik, budan buryn Atyraýda jol apatynan eki adam mert bolǵan edi.
