Atyraý oblysynda eki kent karantınge jabyldy

ATYRAÝ. QazAqparat –Atyraý oblysynda eki kent 8 maýsymǵa deıin karantınge jabyldy, dep habarlaıdy QazAqparat.

Bul týraly búgin oblystyq taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń mindetin atqarýshy Amantaı Jumaǵalıev málim etti.

«Atyraý oblysynda 6 aýdannyń turǵyndarynan koronavırýs ınfektsııasy anyqtalyp otyr. Sonyń ishinde Jylyoı aýdanynda - 16, Qurmanǵazyda – 6, Maqatta – 6, Isataıda – 4, Mahambette – 1, Inder aýdanynda - 1 derek tirkeldi. Osyǵan baılanysty aýdandyq bas sanıtar dárigerdiń qaýlysymen Maqat aýdanyndaǵy Maqat kenti men Jylyoı aýdanynda ornalasqan Maıkómgen kenti karantınge jabyldy. Karantın merzimi 8 maýsymǵa deıin sozylady», - dedi Amantaı Jumaǵalıev.

Eske sala ketelik, buǵan deıin Atyraý oblysynyń Isataı aýdanynan koronavırýstyń jańa oshaǵy tabylǵanyn habarlaǵan edik.