Atyraý oblysynda dýaldy oqytý maman daıarlaýǵa kómektesedi

ATYRAÝ. QazAqparat – Atyraý oblysynda dýaldy oqytý maman daıarlaýǵa kómektesedi, dep habarlaıdy QazAqparat tilshisi.

«Qazirgi ýaqytta osy tásilmen mamandardy daıarlaý ádisi aımaqtaǵy 20 oqý ornyna engizildi. Otandyq jáne sheteldik 15 mekememen seriktestik ornattyq. Oqý barysynda jas azamattar is-tájirıbeden ótip, sol úshin aqsha alady. Eger jumys berýshige tájirıbe jınaqtaýshynyń biri unap qalsa, jumysqa shaqyrady.

Qazir qos tarapty oqytýǵa «Elektrmen jabdyqtaý, baqylaý-ólsheý quraldary, munaı jáne gaz ken oryndarymen» aınalysatyn kompanııadan suranys bar»,- dep habarlady oblystyq bilim berý basqarmasyndaǵylar.

Mekemedegiler Atyraý oblysynda dýaldy oqytý boıynsha óndiristik tájirıbeden 200-den asa kolledj oqýshylary men stýdentter ótkenin atap ótti. Kelesi jyly olardyń sany 300-ge deıin kóbeıedi.