Atyraý oblysynda dızel tasymaldap kele jatqan kólik aýdaryldy
ATYRAÝ. QazAqparat – Atyraý oblysynda dızel tasymaldap kele jatqan «KamAZ» kóligi aýdaryldy, dep habarlaıdy QazAqparat.
Oblystyq Ekologııa departamenti baspasóz qyzmetiniń málimetinshe, jol apaty 13 naýryzda saǵat 13:10-da Isataı aýdany, H. Erǵalıev aýyly mańyndaǵy «Atyraý-Astrahan» aınalma jolynda bolǵan.
«Gelıos» JShS-ǵa tıesili dızel otynyn tasymaldaıtyn «KamAZ» kóligi aýdaryldy. Apat saldarynan dızel tógilip, topyraq lastandy. Atalǵan derekke qatysty oblystyq Ekologııa departamentiniń mamandary oqıǵa ornyna baryp, tekserý júrgizdi. Hımııalyq taldaý úshin topyraq synamalary alyndy. Tekserý nátıjesimen «Gelıos» JShS ákimshilik jaýapkershilikke tartylyp, oǵan 291 700 teńge aıyppul salyndy», -dep habarlady departamenttiń baspasóz qyzmetinen.
Málim bolǵandaı, «Gelıos» JShS lastanǵan aýmaqty tazartty.
