Atyraý oblysynda dıhandar dızel otynyn keshiktirip alýda
ATYRAÝ. QazAqparat - Atyraý oblysynda munaı óńdeıtin zaýyttan dızel otyny egin egý jáne jınaý jumystaryna keshiktirilip berilýde.
«Dızel otynyn jiberý jumystary kestege sáıkes naýryz aıynda bastaldy. Naýryz aıynda jospardyń úshten biri ǵana oryndalsa, sáýir aıynyń jsopar 100 paıyzǵa oryndaldy. Alaıda, mamyr men maýsym aılarynda janarmaıdy bosatý jumystary qaıtadan edáýir tómendetildi. Mamyr aıynda josparlanǵan 27 myń tonnanyń ornyna 18,5 myń tonna, al mamyr aıynda 24,1 myń tonnanyń ornyna sharýalar tek 10,4 myń tonna janarmaıdy aldy. Aýylsharýashylyq salasyna janar maı jiberý máselesi árdaıym birinshi kezeńde turady. Biraq, bul jumys ónimdi ustaýshylardyń jibergen suranymyna qaraı oryndalady, al olar óz kezeginde fermerler aqysyn tólegen mólsherge ǵana suranymdar jasatady. Ónimdi ustaýshylar der kezinde suranymdardy jibergen kezde ǵana otyndy jiberý jumysy kestege saı oryndalatyn bolady», - dep «Atyraý munaı óńdeý zaýyty» JShS baspasóz qyzmeti habarlady.
