Atyraý oblysynda dárihanalardyń jumys ýaqyty ózgerdi
ATYRAÝ. QazAqparat –Atyraý oblysynda dárihanalardyń jumys ýaqyty uzartyldy, dep habarlaıdy QazAqparat.
Óńirlik jedel shtab taratqan aqparatqa súıensek, budan bylaı dárihanalardyń jumysy keshki saǵat 22:00-ge deıin sozylady.
«Atyraý oblysynyń bas memlekettik sanıtarlyq dárigeriniń qaýlysyna engizilgen ózgeriske sáıkes, kúsheıtilgen sanıtarlyq-dezınfektsııalyq rejımdi saqtaı otyryp, dárihanalarǵa tańerteńgi saǵat 08:00-den keshki saǵat 22:00-ge deıin jumys isteýge ruqsat etildi», - delingen aqparatta.
Sondaı-aq, bas memlekettik sanıtarlyq dárigerdiń qaýlysyna engizilgen ózgeriske oraı býkmekerlik keńselerdiń jumysy toqtatyldy.
Budan buryn Atyraýda dúkender men dárihanalardyń jumys ýaqyty ózgergenin habarlap edik.
