Atyraý oblysynda «Tsıfrly ustaz» baıqaýynyń jeńimpazdary anyqtaldy
Óńir mektepterinen 25 muǵalim qatysqan baıqaýdy oblys ákimdiginiń qoldaýymen «Atyraý-Aqparat» JShS uıymdastyrdy.
«Álem elderin ábigerge salǵan pandemııa kezinde jalpy bilim beretin orta mektepter men joǵary oqý oryndarynyń stýdentteri qashyqtan oqýǵa kóshti. Osyǵan oraı ustazdar tsıfrly júıege negizdelgen jańa tehnologııamen jumys isteı bastady. Sol sebepten, mektep muǵalimderiniń tsıfrly saýattylyǵyn arttyrý maqsatynda baıqaý uıymdastyrdyq.
Alaıda, qatysýshylardyń arasynda baıqaýdyń maqsatyn túsinbegender kezdesti. Degenmen, bilim berý men tárbıe isiniń tyń tásilderin usynǵan úzdik pedagogter baıqaldy», - deıdi «Atyraý-Aqparat» JShS dırektory Ysqaq Egemberdıev.
Arnaı qurylǵan qazylar alqasynyń sheshimimen Inder aýdanyndaǵy Sh.Ýálıhanov atyndaǵy orta mekteptiń qazaq tili men ádebıeti pániniń muǵalimi Qaıyrbek Kenjálıev júldeli І oryndy ıelendi. Al ІІ orynǵa J.Qarajigitov atyndaǵy №16 mektep-lıtseıinde qazaq tili men ádebıeti páninen sabaq beretin Raýshan Sarǵojıeva, ІІІ orynǵa H.Dosmuhamedov atyndaǵy Atyraý ýnıversıtetiniń oqytýshysy Jaýhardarııa Ersaıynova laıyq dep tanyldy.
