Atyraý oblysynda byltyrdan beri 51 975 adam koronavırýs ınfektsııasyn juqtyrǵan
Baqytgúl Hamenovanyń málim etýinshe, Atyraý oblysynyń «jasyl» aımaqta ótkenine úsh aptadan asqan.
«Biraq, bosańsýǵa bolmaıdy. Koronavırýs ınfektsııasynyń qaýiptiligi sonsha, bul naýqasty óte aýyr jaǵdaıǵa túsiredi. Ony juqtyrǵan adam kez-kelgen ýaqytta ómirden ótip ketýi múmkin. Sondyqtan, oblys basshylary óńirdegi epıdemııalyq ahýaldy qatań baqylaýynda ustap otyr. Qazir Atyraý oblysynda ınfektsııalyq aýrýhanada tósek-oryn sany jetkilikti, dári-dármek qory bar. Bizdiń óńir koronavırýs ınfektsııasyna qatysty kez kelgen jaǵdaıdy retteýge daıyn» - dedi Baqytgúl Hamenova.
Onyń aıtýynsha, qaýipti vırýstyń alǵashqy deregi tirkelgennen beri Atyraý oblysynda 51 975 adam koronavırýs juqtyrǵan. Onyń ishinde 51 088 naýqas koronavırýs ınfektsııasynan saýyǵyp shyqqan.
Eske sala ketelik, budan buryn Atyraý oblysynda koronavırýs juqtyrǵandar sany kúrt tómendegen bolatyn.