Atyraý oblysynda byltyr týý kórsetkishi 10 paıyzǵa artqan
Oblystyq densaýlyq basqarmasynyń basshysy Ashan Baıdýálıevtiń málimetinshe, júkti áıelderdiń 53 paıyzy oblystyq perınataldyq ortalyqta bosanady.
«Máselen, byltyr emdelý kórsetkishi 11,3%, bosaný 10,4%, onyń ishinde merziminen buryn bosaný 10,3%-ǵa ósti. Sońǵy 3 jylda perınataldyq ortalyq úshin qural-jabdyqtar satyp alýdy qarjylandyrý artty. Jergilikti bıýdjetten 2019 jylmen salystyrǵanda 1,5 ese kóp qarjy bólindi. Bıyl atalǵan ortalyqqa zamanaýı kóliktik kıývez satyp alý josparlanyp otyr. Bul jańa týǵan nárestelerdi perınataldyq ortalyqqa jetkizý kezinde epıdemıologııalyq qaýipsizdikti qamtamasyz etýge múmkindik beredi», -deıdi Ashan Baıdýálıev.
Eske sala ketelik, budan buryn Atyraýda 8 naýryzda 18 sábı ómirge kelgenin habarlaǵan bolatynbyz.
