Atyraý oblysynda byltyr 3,8 mln memlekettik qyzmet kórsetilgen
Atyraý oblystyq ákimdigi memlekettik qyzmet kórsetý máselelerin úılestirý bóliminiń basshysy Turargúl Іzbasova málimetine súıensek, kórsetilgen memlekettik qyzmettiń 97 paıyzyn elektrondy túri quraǵan.
«Byltyr oblysta 3 804 723 memlekettik qyzmet kórsetildi. Onyń ishinde memlekettik organdar arqyly qaǵaz túrinde kórsetilgen 59 339 qyzmet bar. Turǵyndar «Azamattar úshin úkimet» memlekettik korporatsııasy arqyly 55 373 qyzmet aldy. Al, «Elektrondyq úkimet» veb-portaly men memlekettik organnyń aqparattyq júıesi arqyly elektrondy túrdegi qyzmet 3 690 011-di qurady. Bul – barlyq kórsetilgen qyzmettiń 97 paıyzy», -deıdi Turargúl Іzbasova.
Onyń aıtýynsha, ótken jyly 39 zań buzýshylyq deregi tirkelgen.
«Taldaý kezinde qujattar tıisti aqparattyq júıelerde merziminde óńdelmegeni anyqtaldy. Zań buzýshylyq Logın men qupııa sózdi ýaqytyly almaý, elektrondyq tsıfrlyq qoltańbany der kezinde aýystyrmaý, jaýapty mamandardyń biliktiligi arttyrylmaǵandyqtyń saldarynan oryn alǵan. Memlekettik organdar mamandarynyń elektrondy túrde túsken qujattar aınalysyna aınalysyna nemquraıly qaraý saldary da sebep bolyp otyr», -deıdi ol.
Eske sala ketelik, budan buryn byltyr Atyraý oblysynda 8,5 trln teńgeniń ónerkásip ónimi óndirilgenin jazǵan edik.
