Atyraý oblysynda brakonerlerden 134 keli bekire tárkilendi

ATYRAÝ. QazAqparat – Atyraý oblysynda «Bekire-2022» is-sharasynyń kúzgi kezeńiniń 17 kúninde brakonerlerden 358 keli balyq tárkilendi. Onyń ishinde 134 keli bekire tuqymdas baǵaly balyq túrleri bar, dep habarlaıdy QazAqparat.

Oblystyq polıtsııa departamenti jergilikti polıtsııa qyzmeti basqarmasynyń aǵa ınspektory Nurlybek Ótenııazovtyń málimetinshe, 10 qyrkúıekten beri 102 quqyq buzýshylyq deregi tirkelgen.

«Óńirde «Bekire-2022» jedel-profılaktıkalyq is-sharasynyń kúzgi kezeńi 10 qyrkúıekte bastalǵan edi. Oǵan jergilikti polıtsııa, tergeý, krımınaldyq basqarmalary, balyq qoryna qol suǵýshylyqqa qarsy kúres bóliminiń qyzmetkerleri jumyldyrylyp otyr. Bul is-sharanyń maqsaty – brakonerliktiń jolyn kesý. Bekire tuqymdas jáne basqa da balyq túrleri men ónimderiniń zańsyz aınalymyn anyqtaýǵa, jolyn kesýge baǵyttalǵan. Іs-sharanyń kúzgi kezeńi bastalǵannen bergi 17 kúnde 102 quqyq buzýshylyq anyqtaldy. Onyń ishinde balyq aýlaý erejesin buzýǵa qatysty 97 derek, 1-ýi balyq ónimderin satý, al, 4-eýi balyq ónimderin tasymaldaýmen baılanysty bolyp otyr», -deıdi Nurlybek Ótenııazov.

Aǵa ınspektordyń aıtýyna qaraǵanda, anyqtalǵan quqyq buzýshylardan 358 keli balyq tárkilengen. Onyń ishinde 134 keli bekire tuqymdas balyq bar. Sondaı-aq, 74 balyq aýlaý quraly alynǵan. Ákimshilik jaýapkershilikke 97 adam tartylǵan.

«Bekire-2022» is-sharasynyń kúzgi kezeńi 31 qazanǵa deıin jalǵasady.

Eske sala ketelik, buǵan deıin Atyraý oblysynda on kúnde balyq aýlaý erejesin buzǵan 74 derek tirkelgenin