Atyraý oblysynda bolǵan dúleı jel eki mekteptiń shatyryn julyp áketti - QR TJM
ASTANA. 26 naýryz. QazAqparat - Atyraý oblysynda 15-20 m/s jyldamdyqpen soqqan dúleı jel Atyraý qalasynda jáne Mahambet aýdanynda mekteptiń shatyryn julyp áketti,
dep habarlaıdy QR TJM baspasóz qyzmeti.
Keshe Atyraý oblysynda soqqan kúshti jel Mahambet aýdanyndaǵy Qalybekov atyndaǵy orta mekteptiń shatyryna zaqym keltirgen. Sondaı-aq Atyraýdaǵy Y. Altynsarın atyndaǵy mektep sheberhanasynyń shatyryn túgeldeı ushyryp áketken.
Tótenshe jaǵdaılar mınıstrliginiń habarlaýynsha, qaza tapqandar men zardap shekkender joq. Qazirgi ýaqytta qalpyna keltirý jumystary júrgizilýde. Tótenshe jaǵdaıdy joıýǵa QR TJM «BRAJQJ» MM-niń 4 jeke quramy jáne 1 birlik tehnıkasy, «Atyraý jaryq» JShS apattyq brıgadasy tartylǵan.
