Atyraý oblysynda bıylǵy úsh aıda 52 órt tirkeldi
ATYRAÝ. QazAqparat – Atyraý oblysynda bıylǵy úsh aıda 52 órt tirkeldi, dep habarlaıdy QazAqparat.
TJD memlekettik órt baqylaý basqarmasynyń bastyǵy, azamattyq qorǵaý polkovnıgi Nazymbek Baltabekovtiń málimetinshe, órtten 1 adam qaıtys bolǵan.
«Órttiń tutanýyna elektr quraldaryn montajdaý men tehnıkalyq paıdalanýdyń peshti paıdalaný kezinde órt qaýipsizdigi qaǵıdalarynyń buzylýy, otty abaısyz paıdalaný negizgi sebebi bolyp otyr. Ásirese, turǵyn úı sektorynda 26 órt boldy. Onyń ishinde jeke sektorda 18, avtokólikte 17 órt tirkeldi. Tórt adam gaz plıtasyn qosý kezinde ýly gazǵa ýlandy», -deıdi Nazymbek Baltabekov.
Osy kezeńde 89 nysanǵa tekserý júrgizilgen. Tekserý kezinde órt qaýipsizdigi talaptary buzylǵan 401 derek anyqtalǵan. Kinálilerge 85 ákimshilik jaza qoldanylǵan.
Eske sala ketelik, budan buryn Atyraýda órtengen páterden 46 jastaǵy er adamnyń máıiti tabylǵanyn jazǵan edik.
