Atyraý oblysynda bıylǵy shomylý maýsymynda 28 adam sýǵa batyp ketti
ATYRAÝ. QazAqparat – Atyraý oblysynda sý aıdyndaryna 28 adam batyp ketti, dep habarlaıdy QazAqparat.
Atyraý oblystyq tótenshe jaǵdaılar departamenti azamattyq qorǵanys basqarmasynyń basshysy Baqyt Ablanovtyń málimetinshe, sý aıdyndarynda qaýpi basym 70 ýchaske bar.
«Sý aıdyndarynan balyq aýlaýǵa barýshylar, jaǵalaýda demalýshylar arasynda sýǵa ketý derekteri azaımaı otyr. Óıtkeni, turǵyndar arnaıy jabdyqtalmaǵan oryndarda shomylady. Máselen, Mahambet aýdanynda – 19, Atyraý qalasynyń aýmaǵynda – 17, Qyzylqoǵada – 15, Inderde – 10, Jylyoıda – 7, Qurmanǵazy aýdanynda 2 qaýipti ýchaske ornalasqan. Bıylǵy shomylý maýsymynda qaýipti ýchaskelerde 28 adam sýǵa batyp ketti. Onyń ishinde 10 bala bar» -deıdi Baqyt Ablanov.
Eske sala ketelik, buǵan deıin Atyraý oblysynda jyl basynan beri 26 adam sýǵa ketkenin habarlaǵan bolatynbyz.
