Atyraý oblysynda bıyl 5 mektep pen 3 balabaqsha paıdalanýǵa beriledi
ATYRAÝ. QazAqparat – Atyraý oblysynda 10 mektep pen 5 balabaqsha salynyp jatyr. Bul týraly oblys ákimi Mahambet Dosmuhambetov máslıhat sessııasynda málim etti, habarlaıdy QazAqparat.
«Qazirgi ýaqytta oblysta 12 mektep úsh aýysymmen jumys isteıdi. Bul mektepterde 23 992 oqýshy bilim alady. Atalǵan máseleni sheshý úshin 3 000 oryndyq 4 mekteptińqurylysy júrgizilip jatyr. Sonymen birge, 1 800 oryndyq 3 mektep salý josparlanyp otyr. Bes apatty mekteptiń bireýiniń qurylysy 2020 jyly, eki osyndaı mekteptiń qurylysy 2022 jyly aıaqtalady. Taǵy osyndaı eki mekteptiń qurylysy josparlanýda», -dedi oblys ákimi Mahambet Dosmuhambetov.
Ákimniń aıtýynsha, bıyl 5 mektep pen 3 balabaqsha paıdalanýǵa beriledi. Al, aldaǵy jyly 5 mektep pen 2 balabaqshanyń qurylysy aıaqtalady.
Atyraý oblysynda balalardy balabaqshamen qamtýda da ilgerileý bar. Búgingi tańda 1-6 jastaǵy balalardy balabaqshamen qamtý 65 paıyzdy, 3-6 jastaǵy balalardy qamtý 100 paıyzdy qurady.
Eske sala ketelik, budan buryn Atyraý oblysynda 470 muǵalimniń jetispeıtini belgili boldy.
