Atyraý oblysynda bıyl 300 shaqyrym jol jóndeledi
ATYRAÝ. QazAqparat - 2017 jyly Atyraý oblysynda respýblıkalyq jáne óńirlik mańyzy bar 333 shaqyrym jol jóndeýden ótedi, dep habarlaıdy «QazAqparat» HAA tilshisi.
«2017 jyly Atyraý oblysyndaǵy joldardy jóndeý úshin respýblıkalyq jáne oblystyq bıýdjetten 30 mlrd teńge bólindi. Óńirdegi tasjoldardyń uzyndyǵy 2 myń shaqyrymnan asady. Onyń jartysy jóndeý jumystaryn talap etedi», - dep atap ótti oblystyq avtomobıl joldary jáne jolaýshylar kóligi basqarmasynyń basshysy Qaırat Nurtaev.
Birinshi kezekte - «Atyraý - Astrahan» baǵytyndaǵy respýblıkalyq mańyzy bar tasjol tur. Onyń jańartylýy «Nurly jol» baǵdarlamasyna engizilgen jáne osy jazda atalmysh tasjolǵa asfalt tóseý jumystary bastalady.
«Oblys úshin jáne búkil Qazaqstan úshin mańyzdy bolyp sanalatyn bul avtojoldyń qurylys jumystaryna 100-den astam servıstik kompanııa qatysady dep kútilýde. Sondaı-aq, «Atyraý-Aqtóbe» avtojolynyń 155 shaqyrymdyq ýchaskesi jóndeýden ótedi», - dep túıindedi Qaırat Nurtaev.
