Atyraý oblysynda birinshi synypqa qabyldaýǵa 17 myń ótinish túsken
Oblystyq bilim basqarmasy basshysynyń mindetin ýaqytsha atqarýshy Aınagúl Dúısekenovanyń málimetinshe, balalardy birinshi synypqa qabyldaý úshin qujat tapsyrý 1 sáýir-1 tamyz aralyǵynda júrgizilgen.
«Atyraý oblysynda úsh aıdyń ishinde balalardy 1 synypqa qabyldaýǵa 17 245 ótinish tústi. Onyń ishinde balalardyń 80 paıyzǵa jýyǵy memlekettik tilde oqýdy tańdady. Birinshi synypqa barý úshin qujat qabyldaý 1 sáýirde bastalǵan edi. Búgin 1 tamyzda aıaqtaldy. Azamattarǵa yńǵaıly bolý úshin Oqý-aǵartý mınıstrligi qyzmetti avtomattandyryp, qujattar egov.kz veb-portaly arqyly qabyldandy», -deıdi Aınagúl Dúısekenova.
Onyń aıtýynsha, mektepterde oqý-tárbıe úrdisin sapaly josparlaý men uıymdastyrý, oqýlyqtardy taratý, synyptardy qalyptastyrý, basqa da uıymdastyrý jumystary bastalady. Balalardy birinshi synypqa qabyldaý týraly ótinishtiń 15 myńǵa jýyǵy elektrondy formatta qabyldanǵan. Al eki myń ótinish qaǵaz túrindegi dástúrli formatta tapsyrylǵan.
Eske sala ketelik, budan buryn UBT-da 132 ball jınaǵan atyraýlyq túlek Ońtústik Koreıa ýnıversıtetine oqýǵa túskenin jazǵan edik.