Atyraý oblysynda bir jylda polıtsııaǵa 840 áıel aryzdanǵan

ATYRAÝ. QazAqparat – Atyraý oblysynda bir jylda polıtsııaǵa 840 áıel aryzdanǵan, dep habarlady QazAqparat.

Atyraý oblysynda bir jylda polıtsııaǵa 840 áıel aryzdanǵan

Oblystyq polıtsııa departamenti baspasóz qyzmetiniń málimetine súıensek, byltyr otbasynda zardap shekken 840 áıelden aryz túsken. Sondaı-aq, QR Ákimshilik quqyqbuzýshylyq týraly Kodeksiniń 73-babymen (Otbasy-turmystyq qatynastar aıasyndaǵy quqyqqa qarsy áreketter) 1318 áıelge qatysty jasalǵan quqyq buzýshylyq anyqtalǵan.

«Byltyr ishki ister organdarynyń qyzmetkerleri «Turmystyq zorlyq-zombylyqtan zardap shekken áıel adamdarǵa kómek kórsetý» bólimshesine 79 adamdy ornalastyrdy. Onyń ishinde 25 áıel 54 jasóspirim bar. Qazir atalǵan bólimshede 4 áıel adam men 8 jasóspirim turyp jatyr. Atalǵan bólimsheden 450 (116 zańgerden, 55 psıhologtan jáne 279 áleýmettik qyzmetkerden) áıel adam quqyqtyq keńes aldy» -dep habarlady departamenttiń baspasóz qyzmetinen.

Sondaı-aq, ÚEU ókilderi men volonterlerdiń qatysýymen turǵyndar arasynda turmystyq zorlyq-zombylyq qurbandarynyń áreket etý algorıtmin túsindirý jumystary júrgizilgen. Polıtseıler «Turmystyq zorlyq-zombylyqtan zardap shekken áıel adamdarǵa kómek kórsetý» bólimshesinen shyqqan adamdardyń turmystyq jaǵdaıyn tekserý úshin lokaldy-reıdttik is-sharalar ótkizilgen.

Eske sala ketelik, budan buryn Atyraýda otbasyndaǵy kıkiljińnen soń 7 jasóspirim úıinen ketip qalǵanyn habarlaǵan bolatynbyz.