Atyraý oblysynda bir jylda 47 adam AITV ınfektsııasyn juqtyrǵan

ATYRAÝ. QazAqparat – Atyraý oblysynda bir jylda 47 adam AITV ınfektsııasyn juqtyrǵan, dep habarlaıdy QazAqparat.

Oblystyq JITS ortalyǵynyń bólim meńgerýshisi Aıagóz Jetkinshekqyzynyń aıtýynsha, Atyraýda adamnyń ımmýn tapshylyǵy vırýsy (AITV) ınfektsııasyn juqtyrýshylar sany artqan.

«Bul ınfektsııany byltyr 47 adam juqtyrdy. Ótken jylmen salystyrǵanda aýrý juqtyrǵandar sany 19 adamǵa artyp otyr. Infektsııany juqtyrǵandardyń arasynda elimizdiń 42 azamaty bar. Al 5-eýi – sheteldik. Atyraý qalasynda 43, al, 4-eýi aýdandarda turady. Tirkelgen naýqastardyń 44-i (93,6%) jynystyq qatynas arqyly, 3-eýi (6,4%) esirtki qoldaný kezinde juqtyrǵan», -deıdi Aıagóz Jetkinshekqyzy.

Eske sala ketelik, budan buryn Atyraý oblysynda jeti aıda 23 adam AITV ınfektsııasyn juqtyrǵanyn habarlaǵan bolatynbyz.