Atyraý oblysynda bir túnde bolǵan jol apatynan 2 adam kóz jumdy

ATYRAÝ. QazAqparat – Atyraý oblysynda bir túnde bolǵan eki jol-kólik oqıǵasynan 2 adam qaza tapty, dep habarlaıdy QazAqparat Rolisia.kz saıtyna silteme jasap.

«9 qazan kúni saǵat 02:40 shamasynda Chevrolet Niva kóligi «Qulsary – Aqkıiztoǵaı» tasjolynyń 17-shi shaqyrymynda aýdarylyp, saldarynan 44 jastaǵy júrgizýshisi mert boldy.

Saǵat 06:30 shamasynda «Dossor – Beıneý» tasjolynyń 104-shi shaqyrymynda Lada Largus avtokóligi aýdarylyp, bir jolaýshy qaza tapty. Kólikte jeti adam bolǵan. Eki jolaýshy aýrýhanaǵa jetkizildi», - dedi Jylyoı aýdandyq polıtsııa bólimi bastyǵynyń birinshi orynbasary Murat Demegenov.