Atyraý oblysynda bir táýlikte 48 adam koronavırýs juqtyrdy
ATYRAÝ. QazAqparat – Atyraý oblysynda bir táýlikte 48 adam koronavırýs juqtyrdy, dep habarlaıdy QazAqparat.
Oblystyq densaýlyq saqtaý basqarmasynyń málimetine súıensek, ótken táýlikte 48 adamnan koronavırýs ınfektsııa rastalǵan. Onyń ishinde Atyraý qalasynan 10 naýqas tirkelgen. Sondaı-aq, Qurmanǵazy aýdanynda 1, Inder aýdanynda 1 adamnan ınfektsııa anyqtalǵan.
Naýqastardyń basym kópshiligi Teńiz kenishindegi jumysshylardan anyqtalyp otyr. Munda 36 adamnan qaýipti vırýs belgisi tabylǵan.
«Covid-19 ınfektsııasy 10 naýqasta sımptomdy túrde ótýde. Sońǵy málimetke sáıkes, ótken táýlikte koronavırýs ınfektsııasynan 50 adam emdelip shyqty. Qazir 150 adam úı jaǵdaıynda emdelýdi jalǵastyrýda. Oblystyq ınfektsııalyq statsıonarda 80, aýdandardaǵy statsıonarlarda 16 adam em qabyldaý úshin oqshaýlandy. Al, Teńiz kenishindegi ınfektsııalyq statsıonarda 310 adam em qabyldap jatyr» dep málim etti basqarmasynyń baspasóz qyzmetinen.
Eske sala ketelik, buǵan deıin Atyraý oblysynda 6 kúnde 721 pedagog vaktsına saldyrǵanyn habarlaǵan bolatynbyz.
