Atyraý oblysynda bir táýlikte 4 kólik janyp ketti
ATYRAÝ. QazAqparat - Atyraý oblysynda bir táýlikte 4 kólik janyp ketti, dep habarlaıdy QazAqparat.
Birinshisi 2 aqpan kúni saǵat 3-13-te Qurmanǵazy aýdanynyń Kishi aýylynda órtendi. Onda LADA Priora kóligi jandy. Órttiń jalpy aýmaǵy 50 sharshy metrdi qurady. Órt 07-25-te aýyzdyqtaldy. Zardap shekkender men qurban bolǵandar joq. Oqıǵanyń mán-jaıy anyqtalýda.
Osy kúni saǵat 09-44 mınýttar shamasynda Isataı aýdanynyń Janbaı aýylynda garaj ben saraı jandy. Onda turǵan Toyota Hiluxe pen ÝAZ Hanter kólikteri janyp ketti. Órt saǵat 10-33-te aýyzdyqtalyp, saǵat 11-28-de sóndirildi. Zardap shekender men qurban bolǵandar joq. Órttiń shyǵý sebebi anyqtalýda.
Osy kúni Atarý qalasynda saǵat 12-26-da Volkswagen Transporter kóligi órtendi. Órt saǵat 12-36-da aýyzdyqtalyp, saǵat 12-38-de sóndirildi. Zardap shekkender joq. Órttiń sebep-saldary anyqtalýda, dep habarlady Atyraý oblysynyń Tótenshe jaǵdaılar qyzmeti.
Tótenshe jaǵdaılar qyzmeti bir táýlikte bolǵan 4 oqıǵanyń bir-birimen baılanysy joq ekendigin málimdedi.
