Atyraý oblysynda bir táýlikte 111 adam koronavırýsqa shaldyqty
Oblystyq densaýlyq saqtaý basqarmasy baspasóz qyzmetiniń málimetinshe, naýqastarda qaýipti vırýs PTR-test nátıjesinde rastalǵan. Naýqastardyń arasynda 29 adam Atyraý qalasynda tirkelgen. Sondaı-aq, Teńiz kenishinde 71 jumysshy, Qurmanǵazy aýdanynda 4, Qyzylqoǵada – 2, Jylyoıda – 2, Inderde – 1, Isataıda – 1, Maqat aýdanynda 1 adamnan Sovid-19 anyqtalǵan. Koronovırýstyń sımptomdy túri 26 naýqastan tabylǵan.
«Sońǵy málimetke sáıkes, ótken táýlikte koronavırýs ınfektsııasynan 63 adam jazylyp shyqty. Qazir 166 adam úı jaǵdaıynda emdelýdi jalǵastyrýda. Oblystyq ınfektsııalyq statsıonarda 103, aýdandardaǵy statsıonarlarda - 41, al, Teńiz kenishindegi statsıonarda 848
adam emdelip jatyr», - dep habarlady basqarmanyń baspasóz qyzmeti.
Eske sala ketelik, buǵan deıin Atyraýda kópshilik is-sharany ótkizýge tyıym salynyp, Teńiz kenishinde karantındik shekteýler uzartylǵan bolatyn.
