Atyraý oblysynda bir otbasynyń 4 adamyn qaqqan júrgizýshi ustaldy
ATYRAÝ. QazAqparat – Atyraý oblysynda bir otbasynyń 4 adamyn qaqqan júrgizýshi ustaldy, dep habarlaıdy QazAqparat.
Oblystyq polıtsııa departamenti baspasóz qyzmetinen málim etkendeı, jol-kólik oqıǵasy 31 mamyrda Maqat aýdanyndaǵy Dossor kentinde bolǵan.
«Túngi saǵat 01:10 shamasynda 1988 jyly týǵan júrgizýshi «Toyota Sequoia» kóligimen joldan ótpek bolǵan 1988, 1996, 2014, 2020 jyldary týǵan tórt júrginshini qaǵyp ketken. Alaıda, júrgizýshi oqıǵa ornynan boı tasalaǵan. Osy jol-kólik oqıǵasyna baılanysty júrgizilgen jedel izdestirý-tergeý amaldarynyń nátıjesinde kúdikti anyqtalyp, ustaldy. Qazir kúdiktige qatysty QR Qylmystyq Kodeksiniń 345-babynyń 2-bóligimen sotqa deıingi tergep-tekserý júrgizilýde» -deıdi oblystyq polıtsııa departamentiniń bastyǵy, polıtsııa polkovnıgi Qamza Úmbetqalıev.
Eske sala ketelik, budan buryn Atyraýda avtobýs qaqqan jaıaý júrginshi kóz jumǵanyn habarlaǵan bolatynbyz.
