Atyraý oblysynda bir kúnde koronavırýstan 8 adam qaıtys boldy

ATYRAÝ. QazAqparat – Atyraý oblysynda bir kúnde koronavırýs ınfektsııasynan 8 adam kóz jumdy, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, ótken táýlikte qaýipti vırýsqa 80 adam shaldyqqan.

Onyń ishinde Atyraý qalasynda - 48, Teńiz ken ornynda - 15 naýqas anyqtalǵan.

Sondaı-aq, Jylyoı aýdanynda – 6, Qurmanǵazyda – 4, Qyzylqoǵada – 3, Mahambette – 3, Isataı aýdanynda 1 adamnan koronavırýstyń belgisi tabylyp otyr.

«Óńirdegi ınfektsııalyq statsıonarlarda 939 naýqas em qabyldap jatyr. Mundaǵy júkteme 31,%-dy quraıdy. Statsıonarlardyń jansaqtaý bóliminde 70 naýqas emdelýde. Onyń ishinde 7 naýqas ókpeni jasandy jeldetý apparatyna qosylǵan. Bul bólimdegi júkteme – 56,9%. Al, úı jaǵdaıynda emdelý úshin 5 121 patsıent oqshaýlanǵan. Ótken táýlikte koronavırýs ınfektsııasyn juqtyrǵan 8 adam qaıtys boldy» -dep málim etti basqarmanyń baspasóz qyzmetinen.

Eske sala ketelik, budan buryn Atyraýdaǵy Teńiz ken ornynda byltyrdan beri 10 myńnan astam adamnan koronavırýs anyqtalǵanyn habarlaǵan bolatynbyz.