Atyraý oblysynda bir kúnde 4 myńǵa jýyq adam vaktsına saldyrdy
ATYRAÝ. QazAqparat – Atyraý oblysynda bir kúnde 3 611 adam qaýipti vırýsqa qarsy vaktsına saldyrdy, dep habarlaıdy QazAqparat.
Oblystyq Densaýlyq saqtaý basqarmasy baspasóz qyzmetiniń aqparatyna qaraǵanda, 3 shildede «Spýtnık V», «QazVac», «Nayat-Vax» vaktsınalarynyń I komponentin jergilikti 3 611 turǵyn alǵan.
«Ekpe alǵandardyń qatarynda 212 dáriger, 285 pedagog, 38 stýdent, arnaıy mekemelerdiń 27, quqyq qorǵaý organdarynyń 21 qyzmetkeri, 61 memlekettik qyzmetshi, sozylmaly aýrýy bar 175 adam men 2792 jergilikti turǵyn bar. Al, 1 aqpan-3 shilde aralyǵynda koronavırýs ınfektsııasyna qarsy vaktsınalardyń І komponentin 94 340 adam ektirdi. Vaktsınalardyń II komponentin 51 633 jergilikti turǵyn saldyrdy» -dep habarlady basqarmanyń baspasóz qyzmeti.
Eske sala ketelik, buǵan deıin Atyraý oblysynda vaktsına saldyrǵandar sany 90 myńnan asqanyn jazǵan bolatynbyz.
