Atyraý oblysynda bir kúnde 3 769 adam vaktsına aldy
ATYRAÝ. QazAqparat – Atyraý oblysynda bir kúnde 3 769 adam vaktsına aldy, dep habarlaıdy QazAqparat.
Oblystyq Densaýlyq saqtaý basqarmasy baspasóz qyzmetiniń málimetine súıensek, 1 aqpan-7 shilde aralyǵynda 104 722 atyraýlyq «Spýtnık V», «QazVac», «Hayat-Vax» vaktsınalarynyń I komponentin saldyrǵan. Vaktsınalardyń II komponentin alǵandardyń sany 56 196 adamǵa jetken.
«Al, 7 shildede 3 769 jergilikti turǵyn qaýipti vırýsqa qarsy vaktsınalardyń I komponentin erikti túrde saldyrdy. Onyń ishinde 304 pedagog, 163 dáriger, 77 stýdent, 51 memlekettik qyzmetshi, jabyq mekemelerdiń 32, quqyq qorǵaý organdarynyń 17 qyzmetkeri bar. Sondaı-aq, sozylmaly aýrýy bar 427 patsıent pen 2 698 jergilikti turǵyn vaktsına saldyrdy» -dep habarlady basqarmanyń baspasóz qyzmeti.
Eske sala ketelik, budan buryn Atyraýda vaktsınalardyń І komponentin 100 myńnan astam adam saldyrǵanyn habarlaǵan edik.
