Atyraý oblysynda bir kúnde 1500 jýyq adam vaktsına saldyrdy
ATYRAÝ. QazAqparat – Atyraý oblysynda bir kúnde 1433 adam vaktsına saldyrdy, dep habarlaıdy QazAqparat.
Oblystyq Densaýlyq saqtaý basqarmasynyń baspasóz qyzmetinen málim etkendeı, 23 maýsymda «Spýtnık V», «Qazvac», «Hayat-Vax» vaktsınalarynyń I komponentin 1 433 adam alǵan.
«Ekpe alǵandardyń arasynda 71 medqyzmetker, 82 pedagog, 18 stýdent, arnaıy mekemeniń 8, quqyq qorǵaý organdarynyń 13 ókili bar. Sondaı-aq, 8 memlekettik qyzmetshi, túrli sozylmaly aýrýy bar 78 adam, 1 155 jergilikti turǵyn vaktsına saldyrdy. Bıylǵy 1 aqpan-23 maýsym aralyǵynda koronavırýsqa qarsy vaktsına saldyrǵandardyń sany 74 875 adamǵa jetti. Vaktsınalardyń II komponentin 38 695 adam ketirdi» -dep habarlady basqarmanyń baspasóz qyzmeti.
Eske sala ketelik, budan buryn Atyraýda vaktsına alǵandarǵa syılyq beriletinin habarlaǵan edik.
