Atyraý oblysynda bir kúnde 1 697 adam vaktsına saldyrdy
ATYRAÝ. QazAqparat – Atyraý oblysynda bir kúnde 1 697 adam koronavırýs ınfektsııasyna qarsy vaktsına saldyrdy, dep habarlaıdy QazAqparat.
Oblystyq Densaýlyq saqtaý basqarmasy baspasóz qyzmetiniń aqparatyna súıensek, 1 aqpan-29 maýsym aralyǵynda 83 558 adam «Spýtnık V», «QazVac», «Hayat-Vax» vaktsınalarynyń I komponentin ektirgen. Vaktsınalardyń II komponentin saldyrǵandar
sany 46 313 adamǵa jetti.
«Óńirde 29 maýsymda 1 697 adam koronavırýs ınfektsııasyna qarsy vaktsınalardyń I komponentin aldy. Ekpe alǵandardyń arasynda 97 pedagog, medıtsına salasynyń 66, arnaıy mekemeniń 32, quqyq qorǵaý organdarynyń 22 ókili, 24 memlekettik qyzmetshi, 23 stýdent pen 2 polıtseı bar. Sondaı-aq, sozylmaly syrqaty bar 100 adam men 1 331 turǵyn
vaktsına saldyrdy», -dep málim etti basqarmanyń baspasóz qyzmetinen.
Eske sala ketelik, budan buryn Atyraý oblysynda bir kúnde 1500-ge jýyq adam vaktsına
saldyrǵanyn habarlaǵan edik.
