Atyraý oblysynda bir bala men úsh eresek adam gaz qoparylysynan zardap shekti
NUR-SULTAN. QazAqparat – Atyraý oblysynyń Qurmanǵazy aýdanynda gaz qospasynyń qoparylysynan tórt adam zardap shekti, dep habarlaıdy QazAqparat TJK baspasóz qyzmetine silteme jasap.
21 mamyr kúni saǵat 09:30-dar shamasynda Qurmanǵazy aýylyndaǵy jeke úıde tabıǵı gazdyń shyǵýy saldarynan qoparylys bolyp, úıdegi zattar, jıhaz órtenip, jalyn úıdiń shatyr sharpyǵan.
Órt sóndirýshiler kúshimen 100 sharshy metr aýmaqqa taraǵan jalyn saǵat 10:48-de tolyq sóndirildi.
«Oqys oqıǵa saldarynan kúıik shalǵan tórt adam - 56 jastaǵy, 22 jastaǵy er adam, 51 jastaǵy áıel jáne 11 jastaǵy bala aýrýhanaǵa jetkizildi. Órtti sóndirýge oblystyq TJD-nyń 20 qyzmetkeri men 3 arnaıy tehnıkasy jumyldyryldy», delingen habarlamada.
