Atyraý oblysynda bir aptada tórt adam sýǵa batyp ketti
ATYRAÝ. QazAqparat – Atyraý oblysynda bir aptada tórtinshi adam sýǵa batyp ketti, dep habarlaıdy QazAqparat.
Sońǵy bir aptada Oıyl ózenine eki, Qıǵash ózenine bir adam sýǵa ketken edi. Al, keshe, 25 sáýirde taǵy bir adamnyń sýǵa batqany anyqtalyp otyr.
«Tótenshe jaǵdaılar departamentiniń 3 qyzmetkeri keshe saǵat 21:45-te Atyraý qalasynyń Vodnıkov shaǵyn aýdanyndaǵy Teplyı kanalynan 45 jastaǵy er adamnyń máıitin taýyp, sýdan shyǵardy. Sýǵa batqan jigittiń saǵat 21:00-de dostarymen kanaldan balyq aýlaýǵa kelgeni anyqtaldy. Sot-medıtsınalyq saraptama taǵaıyndaldy», -dep habarlady departamenttiń baspasóz qyzmeti.
Eske sala ketelik, buǵan deıin ózendi kesip ótpek bolǵan jigittiń máıiti, keıin joǵalǵan jigittiń denesi Oıyl ózeninen tabylǵan edi. Sondaı-aq, qaıyq aýdarylyp, bir adam sýǵa ketkenin jazǵan bolatynbyz.
