Atyraý oblysynda bilim berý salasy qatań baqylaýǵa alyndy
ATYRAÝ. QazAqparat - Oblysta atalǵan sala boıynsha tekserý jumystary júrgizilip, birqatar zań buzýshylyqtar anyqtaldy, dep xabarlaıdy QazAqparat tilshisi óńirlik kommýnıkatsııalar qyzmetine silteme jasap.
Shara boıynsha zań buzýshylyqty joıý týraly usynymǵa sáıkes ata-anasynyń qamqorlyǵynsyz qalǵan jáne múgedek balalarǵa shákirtaqy taǵaıyndaý jáne tóleý tártibine baılanysty zań buzýshylyq joıylyp, shákirtaqy tólendi.
Oblys boıynsha tehnıkalyq-kásiptik oqý oryndarynda jalǵan dıplommen jumys jasap júrgen 6 muǵalimniń dıplomdaryna baılanysty tergeý-tekserý jumystary júrgizilýde.
Atyraý servıs jáne Q.Dútbaeva atyndaǵy gýmanıtarlyq kolledjderi boıynsha bala sanynyń kabınet syıymdylyǵyna sáıkes kelmeýine baılanysty Atyraý ındýstrıaldy kolledjimen, Atyraý energetıka jáne qurylys kolledjimen kabınetterdi ýaqytsha óteýsiz paıdalanýǵa kelisimshart jasaldy.
Búgingi tańda kolledjderdiń lıtsenzııa talaptarynyń sáıkessizdigine baılanysty Atyraý servıs kolledjiniń ınternetke qosylmaǵan ınformatıka kabınetteri ınternetke qosyldy. Atyraý servıs jáne Q.Dútbaeva atyndaǵy gýmanıtarlyq kolledjderdiń fızıka, hımııa kabınetteri, oqý, zerthanalyq jabdyqtalýy tolyqtyryldy.
"Tekserý barysynda anyqtalǵan kemshilikterge jol bergen 8 kolledj dırektorlarynan túsiniktemeler alynyp, barlyq zań buzýshylyqtar boıynsha tártiptik shara qoldanyldy",-deıdi oblystyq bilim berý basqarmasynyń basshysy Qaıyrǵalı Kenjeǵalıev.
