Atyraý oblysynda belgisiz aýrýdan sıyrlar qyrylyp jatyr

ATYRAÝ. QazAqparat - Atyraý oblysynyń Isataı aýdanynda belgisiz dertten sıyrlar ólip jatyr, dep habarlaıdy «Qazaqparat» HAA tilshisi.

«Aýdanymyzda áldebir belgisiz derttiń saldarynan iri qara qyrylyp jatyr. Ótken aıda 275 aýrý sıyr tirkelip, olardyń 120-sy ólgen, qalǵandary baqylaýǵa alyndy. Qazir zerthanalyq tekserýler júrgizilip jatyr, oblystyq radıologııadan radıatsııalardy joıý úshin mamandar shaqyryldy. Ázirge sıyrlardyń aýrýǵa shaldyǵý sebebi jaıly naqty eshteńe aıta almaımyz», - dedi Isataı aýdanynyń ákimi Marat Murzıev.

Aıta keteıik, maýsym aıynda Isataı aýdanynda jylqylar saqaý aýrýyna shaldyǵa bastady. Qazirgi ýaqytta 250 jylqynyń dertke shaldyqqany tirkelip, olardyń 138-i ólgen. 40 jylqy jazylý satysynda, 72 - mal veterınar mamandardyń baqylaýyna alynǵan. Qazir jylqylardyń jappaı qyrylýy toqtatyldy.