Atyraý oblysynda «Bekire-2018» operatsııasy ótip jatyr
ATYRAÝ. QazAqparat - Atyraý oblysynda «Bekire-2018» operatsııasy bastaldy, dep habarlaıdy «QazAqparat» HAA tilshisi.
«Bıyl balyq jáne balyq ónimderiniń brakonerligi, satyp alý jáne qaıta satýmen kúres aktsııasyna quqyq qorǵaý organdary, prokýratýra, Ulttyq gvardııa, QR UQK Shekara qyzmeti qatysyp jatyr. Brakonerlik faktisi jıi anyqtalatyn oryndarǵa 17 beket, onyń ishinde 11 jyljymaly jáne 6 statsıonarlyq beket uıymdastyrylǵan.
Onyń ishinde 9-y Jaıyq ózeninde, 5-ýi Qurmanǵazy aýdanynda jáne 3 beket Kaspıı teńizi jaǵalaýyna ornalastyryldy. 64 memlekettik balyq qorǵaý ınspektory men 15 «Aqjaıyq» MTR jumysshysy tartylǵan», - dep habarlady Atyraý oblystyq orman sharýashylyǵy jáne janýarlar álemi aýmaqtyq ınspektsııasynyń basshysy Danııar Baımaǵambetov.
«Bekire-2018» operatsııasy 31 mamyrǵa deıin jalǵasady.
