Atyraý oblysynda barlyq mekeme «Ashyq»-pen jumys isteı bastady

ATYRAÝ. QazAqparat – Atyraý oblysynda barlyq nysan «Ashyq» qosymshasymen jumys isteıdi, dep habarlaıdy QazAqparat.

Oblystyq Sanıtarlyq-epıdemıologııalyq baqylaý departamenti basshysynyń orynbasary Álııa Bekeshevanyń málimetinshe, barlyq memlekettik mekeme men bıznes nysany «Ashyq» qosymshasyna qosylýy tıis.

«Atyraýdaǵy qoǵamdyq kólikterde «Ashyq» qosymshasy iske qosyldy. Jańa qaýlyǵa sáıkes, endi barlyq mekeme adamdardy «Ashyq» arqyly qabyldaýy kerek. Sondaı-aq, kásipkerlerdiń bıznesi zardap shekpeýi úshin dámhanalar men meıramhanalardyń jumys kestesi uzartyldy. «Ashyq» jobasyna qatysýshylarǵa saǵat 22:00-ge, joba kóshbasshylaryna qosymsha saǵat 00:00-ge deıin jumys isteýge ruqsat etiledi», - dedi Álııa Bekesheva.

Eske sala ketelik, budan buryn Atyraý oblysynda kópshilik is-sharalardy ótkizý toqtatylatynyn jazǵan edik.