Atyraý oblysynda balyqtar qyrylyp jatyr
ATYRAÝ. QazAqparat - Atyraý oblysynda balyqtar qyrylyp qaldy, dep habarlaıdy QazAqparat.
Balyqtardyń Jylyoı aýdany arqyly ótetin Jańǵyldykól ózeniniń aýmaǵynan 20 gektar jerde qyrylyp jatqanyn Turǵyzba aýylynyń turǵyndary habarlaǵan.
«Bolǵan oqıǵa týraly habar jetisimen arnaıy komıssııa qurylyp, onyń quramyna Atyraý oblystyq orman sharýashylyǵy jáne janýarlar álemi oblystyq aýmaqtyq ınspektsııasy men ózge de jaýapty organdardyń qyzmetkerleri kirdi. Aldyn ala qorytyndy boıynsha kóktemde sý kólemi óte az boldy. Taıaz ózenniń sýy kúnniń qyzýyna qatty jylyp ketken. Sonyń saldarynan balyqtar qyrylǵan bolýy múmkin. Alaıda, naqty jaýap komıssııa músheleri zerthanalyq zertteýler júrgizip bolǵan soń belgili bolady»,-dep habarlady Jylyoı aýdany ákimdiginiń ókilderi.
Aıta keteıik, Atyraý oblysynda shilde aıynyń basynan beri aýa temperatýrasy óte joǵary boldy. Keıbir aýdandardy termometr baǵandary 45-46 gradýsqa deıin jetti.
