Atyraý oblysynda balalar arasynda juqpaly teri aýrýlary kóbeıgen
Oblystyq sanıtarııalyq-epıdemıologııalyq baqylaý departamentiniń bas mamany Jaınagúl Ótepqalıevanyń deregine súıensek, jyl basynan beri juqpaly teri aýrýlarymen 279 naýqas tirkelgen.
«Onyń ishinde qyshyma deregi – 57, dermatomıkoz – 222. Juqpaly teri aýrýlary aýrýlar 14 jasqa deıingi balalar arasynda kóbeıip otyr. Teri aýrýlaryn juqtyrýshylardyń 196 jaǵdaıy nemese 70%-y balalardan anyqtaldy. Balalardyń arasynda 39 qyshyma, 157 dermatomıkoz deregi tirkeldi», -deıdi Jaınagúl Ótpeqalıeva.
«Jeke gıgıena erejelerin saqtap, jıi jýyný nemese árbir 5-7 kún aralyǵynda monsha qabyldaý qajet. Ár adamnyń jeke súlgisi men basqa da tutyný zattary bolǵany jón. Úı janýarlaryn ustaǵannan keıin qoldy muqııat sabyndap jýý kerek. Qyshyma, basqa da teri aýrýyna qatysty kúdik týyndasa, dereý turǵylyqty mekenjaıy boıynsha dárigerge kórinýge keńes beremin. Óıtkeni, teri – adam denesiniń eń mańyzdy júıesi. Sol sebepten, terige adam densaýlyǵynyń birden-bir kepili retinde qaraý qajet. Júrek, baýyr, asqazan sııaqty teri de adam úshin ómirlik mańyzdy fýnktsııalardy atqarady», deıdi Jaınagúl Ótepqalıeva.
Eske sala ketelik, budan buryn Atyraý oblysynda bıylǵy 8 aıda 270 adam týberkýlez dertin juqtyrǵanyn habarlaǵan bolatynbyz.
Foto: kwongwah.com