Atyraý oblysynda balabaqshany ýlady degen jalǵan aqparat taraǵan
Buǵan deıin áleýmettik jeli men messendjlerde «Qulsarydaǵy «Ásem» balabaqshasynda balalardy qasaqana ýlaýda» degen aqparat tarady. Jylyoı aýdandyq bilim bólimi buny joqqa shyǵardy.
«Ásem» balabaqshasynda 10 qyrkúıek kúni «JylyoıDezservıs» mekemesi dezınfektsııa (jándikterdi ýlaý protsedýrasy), ıaǵnı masa ýlaý jumystaryn júrgizgen. Masa ýlaý sharasy keshki saǵat 17.00 shamasynda, ıaǵnı, balalardy ata-analar alyp ketetin ýaqytta jasaldy. Balalar aýlada tárbıeshilerimen birge boldy. Masa ýlaý jumysyn vıdeoǵa túsirip, áleýmettik jelige júktegen ata-ananyń balasy 10 qyrkúıekte balabaqshaǵa kelmegen. Anasy keshki saǵat 18.00 shamasynda balabaqshaǵa balasynyń kıimderin alyp ketýge kelgen. Eskertýge qaramastan, «balalardy ýlap jatyr» degen baǵytta jalǵan aqparat taratyp, vıdeo túsirdi. Balabaqshaǵa qatysty jalǵan aqparat taratqan ata-anaǵa shara qoldaný úshin «Ásem» balabaqshasy tarapynan quqyq qorǵaý organdaryna shaǵym túsiriledi» delingen Jylyoı aýdandyq bilim bólimi taratqan aqparatta.
Eske sala ketelik, budan buryn Atyraý oblysynda mektepke «bomba» qoıǵan jigit qamaýǵa alynǵanyn habarlaǵan edik.