Atyraý oblysynda baǵany turaqtandyrýǵa 777 mln teńge qarastyrylǵan
Bul týraly Atyraý oblysynyń ákimi Mahambet Dosmuhambetov ótken jyly atqarylǵan jumystar boıynsha esep berý jıynynda aıtty dep habarlaıdy Atyraý oblystyq kommýnıkatsııalar qyzmeti.
«Halyq úshin ózekti máseleniń biri - áleýmettik mańyzy bar azyq-túlik taýarlarynyń baǵasyn turaqtandyrý. Bul másele únemi baqylaýymyzda. Byltyr jergilikti bıýdjetten osy maqsatta qosymsha 777 mln. teńge qarjy bólindi. 15 túrli ónim qazirgi kezde belgilengen 36 saýda-sattyq oryndarynda satylýda. Turǵyndar olardy naryqtan 10-15 paıyz tómen baǵamen alyp jatyr»,- dedi aımaq basshysy Mahambet Dosmuhambetov.
Sondaı-aq, ol nan baǵasynyń ósimin tejeý maqsatynda 155 mln. teńgege 1000 tonna un satyp alynyp, naýbaıhanalarǵa taratylǵanyn jáne turaqtandyrý qory, kelisimsharttardy jańartý arqyly 606 tonna kartop jáne kókónis ónimderimen tolyqtyrylǵanyn atap ótti.
Aıta ketý kerek, Atyraý oblysynyń ákimi Mahambet Dosmuhambetov onlaın formatta esep berdi.
