Atyraý oblysynda «B» korpýsynyń 16 qyzmetkeri attestatsııadan ótpeı qaldy
ATYRAÝ. QazAqparat - Atyraý oblysynda «B» korpýsynyń 16 qyzmetkeri attestatsııadan ótpeı qaldy, dep habarlaıdy «QazAqparat» HAA tilshisi.
«B» korpýsynan Atyraý oblysy boıynsha attestatsııadan barlyǵy jergilikti bıýdjetten qarjylandyrylatyn memlekettik organdarda qyzmet etetin 2215 qyzmetshi ótti. Eki adam óziniń laýazymyna sáıkes emes dep tanylyp, olardy qyzmetinen bosatý týraly usynys berildi. Respýblıkalyq bıýdjetten qarjylandyrylatyn memlekettik organdarda qyzmet etetin 1093 adamnyń 14-i attestatsııadan ótpeı qaldy. Olardyń barlyǵy Atyraý oblystyq orman sharýashylyǵy jáne janýarlar álemi aımaqtyq ınspektsııasynyń qyzmetkerleri. Olar negizinen atalǵan vedomstvonyń jetekshi jáne bas mamandary»,-dep habarlady QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Atyraý oblysy boıynsha departamentiniń jetekshisi Toqtamys Jumaǵulov óńirlik qommýnıtskatsııalar qyzmetinde ótken brıfınte.
Onyń sózinshe, qyzmetkerlerdiń ekeýi attestatsııalyq komıssııa zań buzdy dep esepteıtindikterin aıtyp, shaǵym túsirdi.
«Atalǵan eki fakti boıynsha tekserý sharalary júrip jatyr. Eger biz tekserý barysyna memlekettik qyzmetshilerdiń quqyqtary buzylǵandyǵyn anyqtasaq, árıne, oǵan qatysty tıisti baǵa beriledi»,-dep qorytyndylady sózin Jumaǵulov.
