Atyraý oblysynda aıyppuly tólenbegen 50-ge jýyq kólik arnaıy turaqqa qoıyldy
ATYRAÝ. QazAqparat – Atyraý oblysynda aıyppulyn tólemegen 50-ge jýyq júrgizýshiniń kóligi arnaıy turaqqa qoıyldy. Kóliktiń 29-y Reseı Federatsııasynda, 13-i Armenııa Respýblıkasynda tirkelgen, dep habarlaıdy QazAqparat Atyraý oblystyq Polıtsııa departamentiniń baspasóz qyzmetine silteme jasap.
«Oblys aýmaǵynda 8 - 16 aqpan aralyǵynda «Boryshker» jedel- profılaktıkalyq is-sharasy ótkiziledi. Shara kezinde kamera kómegimen anyqtalǵan jol erejesin buzý faktisi boıynsha salynǵan ákimshilik aıyppuldy óndirý, tıisti organdarmen birlesip boryshkerlerdi anyqtaý , aıyppuldy tóleý qajettigi týraly rásimdelgen nusqamany quqyqbuzýshylarǵa tikeleı tapsyrý júzege asyrylady», delingen habarlamada.
Eki kúni ishinde polıtsııa 50-ge jýyq aıyppulyn tólemegen júrgizýshini anyqtap, kólikterin aıyppul turaǵyna jetkizdi. Osynyń ishinde 20-ǵa jýyq avtokólikti «Avtoýragan» kóshpeli kesheni anyqtady. Sondaı-aq, aıyppuly bar júrgizýshilerge onyń tóleý qajettiligi týraly rásimdelgen 130 nusqama tikeleı tapsyryldy.
PD baspasóz qyzmetiniń málimetinshe, shara barysynda Jergilikti polıtsııa qyzmetkerleri kólik ıelerine aıyppuldy ýaqytyly tóleý qajettigin, aıyppuldy tóleý merzimi ótip ketkende ne isteý kerektigin jáne tóleý tásilderi týraly túsindirgen.
