Atyraý oblysynda aınalma jolǵa ne tógilgeni tekserilip jatyr
ATYRAÝ. QazAqparat – Atyraý oblysynda aınalma jolǵa ne tógilgeni tekserilip jatyr, dep habarlaıdy QazAqparat.
Budan buryn áleýmettik jelide jóndeý júrgizilip jatqan «Aqtóbe-Atyraý-Reseı Federatsııasynyń shekarasy» baǵytyndaǵy joldyń aınalma bóligine munaı tógilgeni týraly vıdeo taraǵan edi. Ol Isataı aýylynyń mańynda túsirilgen. Osyǵan baılanysty oblystyq ekologııa departamentiniń mamandary tekserýdi bastady.
«Áleýmettik jelige monıtorıng júrgizý kezinde 14 tamyzda jarııalanǵan beınejazba nazarǵa ilikti. Beınejazbada turǵyn Isataı aýdanynda salynyp jatqan jol qurylysy boıyna munaı qaldyqtary tógilgeni jóninde aqparat bergen. Atalǵan máselege qatysty 15 tamyzda departamenttiń mamandary jyljymaly laboratorııamen Isataı aýdanyna
bardy. Mamandar hımıııalyq taldaý júrgizý úshin topyraq synamalaryn aldy», -dep habarlady departamenttiń baspasóz qyzmeti.
Eske sala ketelik, buǵan deıin Atyraýdan Reseıge shyǵatyn joldy jóndeý qalaı júrip
jatqanyn habarlaǵan edik.
