Atyraý oblysynda áıel 2 sábıin satyp jibergen
Buǵan deıin Batys Qazaqstan oblysynan Atyraýǵa kelip, nárestesin satyp jibergen áıel týraly jazǵan edik. Atyraý oblystyq Polıtsııa departamentinen sol kezde málim etkendeı, 32 jastaǵy áıel kúıeýine balanyń qaıtys bolǵanyn aıtyp, sábıin satyp alatyn adam izdegen. Solaı, eki adamdy tapqan. Kóbirek aqsha usynǵanyna balasyn ustatyp jibergen.
«Qazir kúdikti áıelge qatysty qylmystyq is qozǵaldy. QR Qylmystyq kodeksiniń 135-baby 2-bóliginiń 2-tarmaǵymen sotqa deıingi tergeý júrip jatyr. Kúdikti áıel men balasyna sot-bıologııalyq saraptama taǵaıyndaldy. Bala satýǵa baılanysty kýágerlerden jaýap alyndy», - degen edi Atyraý oblystyq Polıtsııa departamentinen.
Rolisia.kz málimetine súıensek, atalǵan áıel bir emes, eki sábıin satyp jibergen.
«Atyraý oblysy Polıtsııa departamenti uıymdasqan qylmysqa qarsy is-qımyl basqarmasynyń qyzmetkerleri jedel-izdestirý sharalaryn júrgizý barysynda 1 jáne 2 jasar sábılerin satyp jibergen Batys Qazaqstan oblysynyń 32 jastaǵy turǵynyn anyqtady.
Atalǵan derekke qatysty Qylmystyq kodeksiniń 135-baby 1-bóligimen sotqa deıingi tergep-tekserý bastaldy.
Kúdikti anyqtalyp, qazir tergeý áreketteri júrgizilip jatyr.
Ózge aqparat QPK-niń 201-babyna sáıkes jarııalanýǵa jatpaıdy», - delingen Rolisia.kz habarlamasynda.