Atyraý oblysynda avtokólik 24 qoıdy qaǵyp ketti

ATYRAÝ. QazAqparat – Atyraý oblysynda jeńil kólik 24 qoıdy qaǵyp ketti, dep habarlaıdy QazAqparat.

Oblystyq Polıtsııa departamenti baspasóz qyzmetiniń málimetinshe, oqıǵa búgin, 25 shildede bolǵan.

Saǵat 6:30 shamasynda «Atyraý-Aqtóbe» tasjolynyń 400-shaqyrymyndaǵy Janterek eldi mekeniniń tusynda RAVON R4 júrgizýshisi 24 bas qoıdy qaǵyp ketti.

Baqtashy maldy joldyń belgilenbegen jerinen óriske aıdap ótpek bolǵan. Sonyń saldarynan 1 mln 200 myń teńgeniń materıaldyq shyǵyny kelgen.

«Jeke tulǵalardyń múlkine zalal keltirgeni úshin qoı baǵýǵa shyqqan adamǵa quqyq buzýshy retinde QR Ákimshilik quqyqbuzýshylyq týraly kodeksiniń 408-babynyń 2-bóligimen ákimshilik hattama toltyryldy», - delingen polıtsııa habarlamasynda.

Budan buryn Atyraý oblysynda júk poıyzy 20 qoı-eshkini basyp ketkenin habarlaǵan edik.

Júk poıyzynyń mashınısi «Qıǵash-Atyraý» ýchaskesindegi №15 razezde temir jol ústinde júrgen qoı-eshkilerdi baıqap, shuǵyl tejeý ádisin qoldanǵan. Alaıda, oqıǵanyń aldyn alý múmkin bolmaǵan.

Poıyz 16 qoı men 4 eshkini basyp ketti. Júk poıyzy osynyń saldarynan 12 mınýt májbúrli túrde toqtap turdy. Poıyz astyna túsken maldyń ıesi Isataı aýdanyndaǵy Aqqystaý aýylynyń turǵyny bolyp shyqqan. Mal ıesine QR Ákimshilik quqyqbuzýshylyq týraly kodeksiniń 559-babynyń 1-bóligimen aıyppul salynǵan.