Atyraý oblysynda aýyl turǵyndaryn qandaı máseleler mazalaıdy
Atyraý oblysynyń ákimi Serik Shápkenov Isataı aýdanyndaǵy Janbaı jáne Naryn eldi mekenderiniń turǵyndarymen kezdesip, keıbirin jee másele boıynsha qabyldady.
Eki aýyl turǵyndaryn tolǵandyratyn másele kóp. Turǵyndardy «Atyraý-Astrahan» tas jolynyń qurylysyn aıaqtaý merzimi sozylǵany alańdatady.
Aýyldarda medıtsına salasyndaǵy kadr tapshylyǵy, sharýashylyq ýchaskelerin jazǵy sýarý júıesiniń joqtyǵy, elektr jelisiniń tozýy sekildi máseleler sheshimin tappaı otyr.
Qum kóshkini mazalaıdy.
Eldi mekenderge mádenıet úıi men balabaqsha qajet.
Oblys ákimi Serik Shápkenovtiń aıtýynsha, mundaı kezdesýlerdiń basty maqsaty – bılik pen halyqtyń arasyndaǵy tikeleı baılanysty kúsheıtý, turǵyndar úshin memlekettik qyzmetkerlerdiń ashyqtyǵyn qamtamasyz etý.
Kezdesýde kóterilgen máselelerge berilgen jaýaptar ýáde kúıinde qalmaı, máseleni sheshýdiń naqty merzimin aıtýǵa baǵyttalýy tıis.
«Máselen, Janbaı aýylyndaǵy jol qurylysynyń merdigeri asfalttyń úsh qabatyn salýdyń ornyna, eki qabatyn ǵana tósegen. Basqa aýdandarda da qurylys jumystaryn júrgizgen bul kompanııaǵa qatysty birqatar problema bar. Merdiger jobany bastap, aıaqsyz qaldyryp ketip júr. Jumys isteı almaıtyn kompanııalar halyqtyń senimine qııanat jasamaýdy eskertemin», -dedi Serik Shápkenov.
Eske sala ketelik, budan buryn «Atyraý jastary» turǵyn úı baǵdarlamasy iske qosylatynyn j azǵan edik.