Atyraý oblysynda aýyl ákimine atqarylmaǵan jumysty qabyldaǵany úshin aıyppul salyndy
ATYRAÝ. QazAqparat - Atyraý oblysynda aýyl ákimine baqylaýyndaǵy aımaqta atqarylýy tıis jumystar tolyǵymen bitpese de ony qabyldaǵany úshin 1 mln teńge aıyppul salyndy, dep habar beredi «QazAqparat» HAA tilshisi.
«Sybaılas jemqorlyqqa qarsy is-qımyl ulttyq bıýrosynyń Atyraý oblysy boıynsha departamenti Inder aýdany, Esbol aýyldyq okrýginiń ákimi Erlan Qalıevke qatysty sotqa deıingi tergeý sharalaryn aıaqtady. Іs Esbol aýylyndaǵy jalpy somasy 9 mln teńge bolatyn sý qubyrlaryn aǵymdaǵy jóndeý boıynsha oryndalmaǵan jumystarǵa qol qoıyp, ókilettigin teris paıdalaný faktisi boıynsha qozǵalǵan. Qarjy «Óńirlerdi damytý» memlekettik baǵdarlamasynyń aıasynda bólingen. Inder aýdandyq sotynyń úkimimen aýyldyq okrýgtiń burynǵy ákimine 1 mln 166 myń 550 teńge aıyppul salyndy», - dep habarlaıdy Sybaılas jemqorlyqqa qarsy is-qımyl ulttyq bıýrosynyń Atyraý oblysy boıynsha departamentiniń baspasóz qyzmeti.
Aýyl ákimi budan tys ómir boıy memlekettik qyzmette laýazym ıelený quqyǵynan aıyryldy.
