Atyraý oblysynda aýyl ákimi parany tezekpen alǵan
ASTANA. QazAqparat - Atyraý oblysynda aýyl ákimi parany tezekpen aldy, dep habarlady oblystyq sottyń baspasóz qyzmetinen. Sot barysynda anyqtalǵandaı, azamat I. Aqsaı aýyldyq okrýginiń ákimi D.Dosqalıevke Aqsaı aýylynda jer úı salý úshin jer telimin alýǵa ruqsat beretin qujattarǵa qol qoıýyn surap júgingen.
Alaıda, azamat I-diń maldyń organıkalyq tyńaıtqyshtaryn satýmen jáne jetkizýmen aınalysatyn kásipker ekendigin bilgen ákim, odan 300 qap tezek talap etken. Osy talaby oryndalǵannan keıin ǵana qujatqa qol qoıatyndyǵyna ýáde bergen.
Kásipker aýyl ákiminiń talabyn oryndaǵan. Alaıda, ákimnen qosymsha qujattar alý qajettigi týyndaǵan. Buǵan ákim taǵy 50 qap tezek suraǵan.
Osylaısha, kóń túrindegi paranyń quny 206 750 teńgeni qurady.
Іsti qaraý barysynda qala prokýrory men sottalýshynyń jáne onyń qorǵaýshysy arasynda kináni moıyndaý týraly protsessýaldy kelisim jasaldy.
Atyraý qalasynyń №2 sotynyń sheshimimen D.Dosqalıev 6 202 500 teńge kóleminde aıyppul tóleı otyryp, ómir boıy memlekettik qyzmet atqarý quqyǵynan aıyryldy. Sondaı-aq onyń zańsyz jolmen tabylǵan múlki tárkilenetin bolady.
