Atyraý oblysynda aýyl ákimi 7 jylǵa sottaldy
ATYRAÝ. QazAqparat - Atyraý oblysy Maqat aýyldyq okrýginiń ákimi Janbolat Júnisov alaıaqtyq úshin 7 jylǵa sottaldy, dep habarlaıdy QazAqparat tilshisi.
«Sybaılas jemqorlyqqa qarsy is-qımyl ulttyq bıýrosynyń Atyraý oblysy boıynsha departamenti Maqat aýyldyq okrýginiń ákimi Janbolat Júnisovke qatysty sotqa deıingi tergeýdi aıaqtady. Aýyldyq okrýg ákimi alaıaqtyq jolmen Atyraý qalasynyń turǵyndarynan jeke turǵyn úı qurylysyna jer telimderin alyp berýge kómektesý úshin barlyǵy 15,7 mln teńge kóleminde aqsha alǵan. Atyraý qalalyq sotynyń úkimimen J.Júnisov 7 jylǵa bas bostandyǵynan aıyryldy», - dep habarlady Sybaılas jemqorlyqqa qarsy is-qımyl ulttyq bıýrosynyń Atyraý oblysy boıynsha departamentinen.
Sondaı-aq burynǵy ákimniń zańsyz jolmen tapqan dúnıe-múlki de tárkilenetin bolady.
